Дар замоне, ки замон афтода буд,
Номи тоҷик аз ҷаҳон афтода буд,
Бо нишону бо забони зиндааш
Бенишону безабон афтода буд.
Шаҳсаворе миллати афтода зод,
Модари тоҷик Турсунзода зод.
Дар замоне, ки сафедӣ тира шуд,
Шеъри нав андар сафедӣ хира шуд,
Мурдаашро ин сафедӣ шуд кафан,
Шеърро хоби сафеде чира шуд.
Шоире бедору фавқулъода зод,
Модари тоҷик Турсунзода зод.
АТО МИРХОҶА
Подпишитесь на обновления материалов сайта adab.tj на ваш электронный ящик.
“Адабиёт ва санъат” минбари эҷодкорони Тоҷикистон аст. Мо дар бозтоби падидаҳои адабию ҳунарии кишвар ба таври хастагинопазир камобеш 45 сол ранҷ мебарем. Посдорӣ аз фарҳанги миллӣ, бавижа ҷашни башарӣ – Наврӯз шиори мо будаву ҳаст. “АС” ойинаи тамомнамои адибону ҳунарпешагон ва публисистони ватаниву бурунмарзист, ки дар он масоили мубрами рӯз матраҳ мешавад.
