Озарахши замину кайҳонем,
Нурбахшои роҳи ёронем,
Вориси фитрати ниёгонем,
Қудрати бозувони давронем,
Мо ҷавонони Тоҷикистонем!
Насли мо вориси ниё бошад,
Ҷадди мо қавми кибриё бошад,
Майли мо ҷониби зиё бошад,
Донишандӯзи шеъру девонем,
Мо ҷавонони Тоҷикистонем!
Мо равонем рағми ҳар зиллат,
Мо давоем рӯйи ҳар иллат,
Дар раҳи сарфарозии миллат
Ҳомии тоҷу тахти Сомонем,
Мо ҷавонони Тоҷикистонем!
САФАРМУҲАММАД АЮБӢ
Подпишитесь на обновления материалов сайта adab.tj на ваш электронный ящик.
“Адабиёт ва санъат” минбари эҷодкорони Тоҷикистон аст. Мо дар бозтоби падидаҳои адабию ҳунарии кишвар ба таври хастагинопазир камобеш 45 сол ранҷ мебарем. Посдорӣ аз фарҳанги миллӣ, бавижа ҷашни башарӣ – Наврӯз шиори мо будаву ҳаст. “АС” ойинаи тамомнамои адибону ҳунарпешагон ва публисистони ватаниву бурунмарзист, ки дар он масоили мубрами рӯз матраҳ мешавад.
